Pseudopyrenidium nova genro por inkludi Weddellomyces tartaricola (nelikeniĝinta fungo likenloĝa, Ascomycota) — Pseudopyrenidium un nouveau genre pour inclure Weddellomyces tartaricola (champignon lichénicole non lichénisé, Ascomycota).

Bull. Soc. linn. Provence, 61 : 129-140.

aŭtoro(j) : Navarro–Rosinés P., Zhurbenko M. P. kaj Roux C. (2010)

lingvo : Esperanto, franca.

enretigo : 2010-12-08

resumo:

Priskribo de nova genro, Pseudopyrenidium, por inkludi Weddellomyces tartaricola (= Verrucaria tartaricola), nelikeniĝintan fungon likenloĝan parazitan al pluraj grundoloĝaj Ochrolechia. Pseudopyrenidium supraĵe similas al Weddellomyces kaj al Pyrenidium pro hamatecio kaj askosporoj ĉefe triseptaj, sed diferencas de ambaŭ genroj pro malsimila ontogenio de la askosporoj. Pseudopyrenidium diferencas de Weddellomyces ankaŭ pro askujoj sen cefalotekoidaj platoj. Kvankam la plej multaj askosporoj de Pseudopyrenidium tartaricola havas tri aŭ kvar septojn, askosporoj kun pli da septoj ne estas maloftaj, kaj eĉ esceptokaze videblas sporoj kun kroma oblikva aŭ laŭlonga septo, do submurecaj sporoj ; la sporoj unue senkoloraj, poste grade bruniĝas kaj maturstadie estas malhele brunaj. En la septiĝo de la sporoj estiĝas unue la du ekstremaj septoj, nur poste la mezaj septoj. Ni proponas loki Pseudopyrenidium en la familion Adelococcaceae.
Ŝlosilvortoj : nelikeniĝinta fungo likenloĝa, Pseudopyrenidium, Pyrenidium, Weddellomyces, Ascomycota, taksonomio, Norda Ameriko, Azio.

726 KB elŝuti la dokumenton